Økonom/Master i finans (Ref. nr.: 2015/13)

Berufsfeld

Sonstige wissenschaftler und verwandte Berufe
   Sozialwissenschaftler und verwandte Berufe
        Wirtschaftswissenschaftler

Aufgabenbereich:

Finanstilsynet arbeider for at finansinstitusjonar og finansmarknader fungerer trygt og effektivt til beste for samfunnet og brukarane av finansielle tenester. Vi har om lag 270 tilsette og held til i moderne lokale i Oslo sentrum. Spanande stilling for deg med kompetanse i finans og investeringsteori. Vi har ledig eit års vikariat ved Seksjon for fond og kollektive investeringar (forlenging kan bli aktuelt). Seksjonen fører tilsyn med forvaltingsselskap, verdipapirfond og forvaltarar av alternative investeringsfond (PE/hedgefond og eigedomsfond m.m.). Dette omfattar òg forvaltings- og utgreiingsoppgåver på fondsområdet. Det blir lagd vekt på god kontakt med næringa og eit aktivt og risikobasert tilsyn der forbrukarvern står høgt. Du får arbeide med tilsyn og overvaking av ein viktig marknad i stor utvikling og med ein aukande grad av kompleksitet og regulering. Arbeidsoppgåver Arbeidsoppgåvene dine vil vere knytte til arbeidsområdet til heile seksjonen, og dei vil særleg omfatte å gjennomarbeide og analysere data frå føretak under tilsyn og å assistere med økonomiske og finansielle vurderingar i ulike sakskompleks. Det vil vere aktuelt å delta på stadleg tilsyn og arbeide med undersøkingar knytte til utvalde tema. Arbeidsoppgåvene vil gi gode moglegheiter til å utvikle seg fagleg og gi inngåande kunnskap om den norske fondsbransjen. Kvalifikasjonar Stillinga egnar seg for deg som er nyutdanna eller som har nokre års arbeidserfaring. Du må ha mastergrad i finans eller liknande, med interesse for portefølje- og investeringsteori. I tillegg har du god matematisk forståing og er dyktig til å bruke IT-verktøy. Du kommuniserer godt på norsk og engelsk, både skriftleg og munnleg. Personlege eigenskapar Du er initiativrik, sjølvstendig og arbeider nøyaktig. Du trivst med analytisk arbeid, men er òg komfortabel med teamarbeid og utadretta verksemd. Vi tilbyr - Utfordrande arbeidsoppgåver og gode moglegheiter for utvikling i eit miljø med høg fagkompetanse - Gode velferdsordningar og ein generelt fleksibel personalpolitikk - Medlemskap i Statens pensjonskasse, som gir gunstige pensjons- og lånerettar - Fleksibel arbeidstid og betalt overtid - Treningsfasilitetar og moglegheit for 1 times trening i arbeidstida kvar veke - Starttidspunkt januar 2016 – og løn etter avtale i stilling som førstekonsulent/rådgivar Anna - Etter at søknadsfristen har gått ut, vil det bli utarbeidd offentleg søkjarliste. I samsvar med offentleglova § 25 gjer vi merksam på at opplysningar om søkjarane kan bli gjorde offentlege sjølv om søkjarane har oppmoda om ikkje å bli førte opp på søkjarlista. Søkjarane vil i tilfelle bli varsla om dette i forkant. - Vi utfører bakgrunnssjekk på søkjarar før tilsetjing i stillinga. - For meir informasjon om Finanstilsynet, sjå www.finanstilsynet.no .Arbeidssted:Revierstredet 3, 0151 OsloKontaktinfo:Britt Hjellegjerde, Seksjonssjef, 22 93 97 24Jøran Nygaard, Tilsynsrådgivar, 22 93 98 16Nøkkelinformasjon:Annonsør: FinanstilsynetRef. nr.: 2015/13Stillingsbrøk: 100%VikarTal på stillingar: 1For elektronisk søknadsskjema: [Klikk her]

Arbeitszeit:

• Ohne Arbeitszeitbestimmung
  

Anforderungen

source: https://www.ec.europa.eu/eures

Tweet

zurück zur Suche